Cwmni llaeth cydweithredol mwyaf Cymru yn creu partneriaeth gyda’r Co-op

Yn ddiweddar mae Hufenfa De Arfon wedi sicrhau cytundeb proffidiol gyda’r cwmni defnyddwyr cydweithredol Prydeinig, y Co-op, i gyflenwi dros 100 o’u siopau groser ledled Cymru gyda’u caws Cheddar Aeddfed Dragon sydd wedi ennill gwobrau.

eithriadol, ac sydd wedi ennill 17 o wobrau bwyd mawreddog y llynedd yn unig.

Mae’r detholiad o gaws Dragon yn adnabyddus am ei flas cyfoethog a’i dreftadaeth Gymreig, ac mae’n cael ei wneud gan ddefnyddio llaeth sy’n dod 100% gan aelodau sy’n ffermwyr o Gymru.

Mae Hufenfa De Arfon, sef cwmni cydweithredol llaeth hynaf a mwyaf Cymru, wedi bod yn eiddo i ffermwyr ers 1938. Dywedodd Michael Mort, y Rheolwr Cyfrifon Cenedlaethol ei fod wrth ei fodd â’r bartneriaeth, “Rydyn ni’n falch o greu partneriaeth gyda’r Co-op, adwerthwr sy’n rhannu ein gwerthoedd o gymuned ac ansawdd. Mae'r ehangiad hwn yn ein galluogi i gyrraedd mwy o gwsmeriaid trwy gyflenwi pecynnau 350g o Cheddar Aeddfed Dragon i 106 o siopau. Rydyn ni’n amcangyfrif bod tua 15 tunnell y flwyddyn o Cheddar Dragon yn cael ei ddosbarthu gan gynnig gwir flas o Gymru i siopwyr.

“Mae ein cydweithrediad yn cynrychioli undod o werthoedd, lle rydyn ni’n rhannu’r un ymrwymiadau i ansawdd, cymuned a chynaliadwyedd – dwy fenter gydweithredol yn dod at ei gilydd yn unedig o ran pwrpas.”

Mae’r Co-op, sy’n fyr am The Co-operative Group Limited, yn un o gwmnïau cydweithredol mwyaf y byd. Wedi'i sefydlu ym 1844 a gyda dros 5 miliwn o aelodau, mae wedi esblygu ac ehangu gydag amrywiaeth o fusnesau manwerthu, gan gynnwys siopau groser, gwasanaethau cyfreithiol, angladdau ac yswiriant.

A hwythau wedi ymrwymo i arferion moesegol, datblygu cymunedol a chynaliadwyedd, dywedodd Penny Colley, Rheolwr Siop y Co-op, Machynlleth, “Mae hon yn bartneriaeth wych gyda chwmni llaeth cydweithredol mwyaf blaenllaw Cymru. Rydyn ni’n ymdrechu i gefnogi cwmnïau yng Nghymru, gan ddod o hyd i gynhyrchion moesegol a gweithio gyda mentrau a busnesau sy’n lleihau eu heffaith amgylcheddol.”